Zelula amak beste zelula mota desberdinetan bihur daitezkeen zelula bereziak dira, hala nola, hezur, kartilago, gihar edo gantz-zeluletan. Interesgarriena da hondatutako ehunak 'konpontzeko' eta gorputzari sendatzen laguntzeko gaitasuna dutela.
Oharkabean pasatzen dira normalean, baina arazoak daudenean behar den lekuan azaldu eta egoeraren kontrola hartzen dute. Beren karisma naturalari esker, arazoak konpontzeko eta gorputzaren oreka berrezartzeko lanetan, gainerako zezulak gidatzeko ahalmena dute. Horren ondorioz, zientzialariok asko aztertzen ditugu, hanturazko gaitzen eta lesioen tratamenduetan nola erabili asmatzeko.