Munduaz eta emakume eta gizonek gizartean betetzen duten eginkizunaz dugun ikuspuntua, gure inguruneak, ohiturek eta kulturak baldintzatzen dute. Historiari nahiz egunerokoari begiratzeko garaian, unean uneko iritzi eta estereotipoek agindu ohi dute gure pentsamoldean. Egungo ikusmiratik abiatuta azaldu zituzten historiaurrea, haur literatura eta kriminologiari buruzko hainbat gai solaskideek, Bergarako Seminarixoan martxoaren 22an egindako mahai-inguruan.
Mariasun Landa
Idazlea, Eusko Ikaskuntza-Laboral Kutxaren Humanitateak, Kultura, Arteak eta Gizarte Zientzien Saria (2014), Emakunde Saria (2024); Jakiundeko kidea.
Amaia Arranz Otaegui
Historian lizentziatua eta Arkeobotanikan doktorea, Ikerbasque ikerlaria, UPV/EHUn afiliatua, Jakiundeko kidea.
Gema Varona
UPV/EHUko Kriminologia Euskal Institutuko Zuzendaria eta Biktimologia Elkargoko presidentea, Jakiundeko kidea.
Moderatzailea/ Moderadora:
Jakeline Barker
Jakiundeko Idazkaria
Solasaldia Bergararako Laboratoriumeko lorategian martxoaren 1etik apirilaren 1era ikusgai dagoen 24 Emakume zientzia, artea eta letretan erakusketaren baitan kokatzen da.
